Fundargerð – Haustfundur Samgus
Haldið í Reykjanesbæ 25.–26. september 2025
Fimmtudagur 25. september
09:00 – Mæting og morgunkaffi
Fundargestir mættu í morgunkaffi, veitingar frá Sigurjóns bakaríi, í Ráðhúsi Reykjanesbæjar, Grænásbraut 910. Þó sumir hafi þó byrjað á því að koma við á Tjarnargötu 12 þar sem ráðhúsið var áður.
09:30 – Vinnustofa
- Berglind Ásgeirsdóttir stýrði vinnustofu.
- Hópnum var skipt upp á nokkur borð og fengu miða til að skrifa niður sína hugmyndir og tillögur.
- Umræðuefni vinnustofunnar voru:
- Leikvallaráðstefna – ákveðið að endurvekja umræðuna, stofna hóp og finna dagsetningu. Friðrik Baldursson, Heiða Ágústsdóttir, Ingibjörg Sigurðardóttir og Ágúst Þór Bragason skipuð í nefnd. Stefnt að því að halda Leikvallaráðstefnu í samfloti við vorfundinn okkar sem verður haldin í Mosfellsbæ 29.-30. Apríl
- Staða skógræktarfélaga sveitarfélaga – farið yfir stöðuna og rætt um næstu skref. – samantekt birt á samgus.is og send á félagsmenn í tölvupósti.
- Líffræðilegur fjölbreytileiki – Viljandi vilt verkefnið rætt stuttlega. Samantekt á samgus.is og send á félagsmenn í tölvupósti.
12:00 – Hádegisverður
Hádegisverður var snæddur í ráðhúsinu en á boðstólum var salat frá Public Deli.
13:00 – Heimsóknir
- Heimsókn til Kadeco – Þróunarfélag Keflavíkur. Pálmi Freyr Randversson og Samúel Torfi Pétursson fóru yfir starfsemi félagsins og áhugaverð verkefni eins og Þróunaráætlun K64. Sem er hægt að skoða frekar á k64.is
- Heimsókn til Íslandshúss, þar sem feðgarnir Óskar Ingi Húnfjörð og Brynjar Húnfjörð tóku vel á móti hópnum og buðu upp á drykki samhliða kynningu á starfsemi og áhugaverðri þróunarvinnu þeirra í samstarfi við sveitarfélög. Miklar umræður um frekara samstarf og vöruþróun.
18:00 – Kvöldverður og samvera
- Kvöldverður í matsal Ráðhússins. Matur frá veitingahúsinu Panda.
- Trúnó og drykkir voru síðan í setustofu.
- Að lokum fóru nokkrir saman á Brons í pílukeppni og áframhaldandi trúnó.
Föstudagur 26. september
09:00 – Morgunkaffi
Fundurinn hélt áfram í Ráðhúsi Reykjanesbæjar og byrjuðum á morgunkaffi, veitingar frá Týnda bakaríinu.
Kynningar
- Berglind Kristinsdóttir frá Samband sveitarfélaga á Suðurnesjum kynnti starfsemi sambandsins og þær áskoranir sem hafa mætt íbúum á svæðinu síðustu ár.
- Daníel Einarsson og Þuríður Aradóttir Braun fóru yfir starfsemi Reykjanes Geopark.
- Líflegar umræður og margar spurningar komu úr sal.
10:00 – Vettvangsferð
Vettvangsferð um Reykjanesbæ. En vegna veðurs var aðeins farið út á einum stað sem var við leikskólann Drekadal. Sem er nýjasti leikskóli sveitarfélagsins og lóðin einstaklega falleg og vel heppnuð. En við keyrðum framhjá nýju ljósunum við strandlengjuna sem er einmitt verkefni sem var unnið með Íslandshús sem var heimsótt á fimmtudeginum. Einnig keyrðum við framhjá Skessunni í hellinnum, Trölla í grasinu, fuglaskoðunarhúsunum og dáðumst úr fjarska að nýju skógarskýli í Sólbrekkuskógi sem er í uppbyggingu.
Vettvangsferðin endaði í Grindavík þar sem Bergsteinn Ó. Ólafsson umsjónarmaður grænna og opinna svæða keyrði með okkur um Grindavík. Sáum við þar hversu ótrúlega mikið hefur gengið á og einnig hversu mikið þeir starfsmenn sem enn er í Grindavík hafa áorkað í viðgerðum, viðhaldi og uppbyggingu þrátt fyrir krefjandi aðstæður og ágang forvitinna ferðamanna.
13:00 – Dagskrárlok
Fundinum lauk formlega. Í kjölfarið fóru nokkrir félagsmenn í nýju Mathöllina við hlið ráðhússins sem heitir Völlur og fengju sér hádegismat.
Hjartans þakkir fyrir góðar móttökur í Reykjanesbæ.